köfft de Vadder, is keen Witz
un wiel he nich freeren wull
wie hebt een Grod ünner Null
drinkt he Fledergrog mit Schuss
fief, söss Glöös denn is ok Schluss
löpt nu Hus, mehrstied in draff
fallt op´n Mors, de Spitz is aff
secht to Hus, is würklich wohr
wär keen Boom mit Spitz mehr dor
man disse Boom wär allemol
akrat wussen un kuum kohl
achterran, dat musst du weeten
het he ´n Dutzend Kringel eeten
vun de Kringel mit Likör
un denn malör em dat Malör
erst reet he sik de Büx hendaal
denn wöör em kodderich mit mal
un denn kotzt he bobento
öber Disch, un Büx un Schoh
Mudder secht wi snackt us loter
Vadder lallt mok keen Theoter
dat wär de slechte Schokolad
man üm den Kööm dor wär dat schad